|
Chesta è 'a rumba d' 'e scugnizze
ca s'abballa a tutte pizze.
Truove 'e ddame, 'mpizze 'mpizze,
ca te fanno duje carizze
pe' te fá passá 'e verrizze.
Strette 'e mane, vase e frizze.
Pruove gusto e te ce avvizze,
cchiù te sfrine e cchiù t'appizze.
Comm'a tanta pire nizze,
te ne scinne a sghizze a sghizze,
fino a quanno nun scapizze.
Chest'è 'a rumba d' 'e scugnizze.
'O rilorgio, mo capisco,
pecché 'o cerco e nun 'o trovo.
Steva appiso.
E' ghiuto ô ffrisco:
c'è rimasto sulo 'o chiuovo.
'O chiuovo i' tengo.
Cic - cic - cic - cí.
Bell' 'e 'ammere.
Cic - cic - cic - cí.
Scarole ricce p' 'a 'nzalata.
Cic - cic - cic - cí.
Fenócchie.
Cic - cic - cic - cí.
'O spassatiempo.
Cic - cic - cic - cí.
Mo t' 'e ccoglio e mo t' 'e vvengo.
Cic - cic - ci - cí.
Gué, ll'aglie.
Cic - cic - cic - cí.
Chesta è 'a rumba d' 'e scugnizze.
Assettáteve, assettáteve.
Ca s'abballa a tutte pizze.
'O quadrillo¹
e 'a figurella!
Truove 'e ddame, 'mpizze 'mpizze.
'O mastrillo e 'a rattacasa.
ca te fanno duje carizze.
Quant'è bello 'o battilocchio.
Pruove gusto e te ce avvizze.
Pe' chi tene 'a moglie pazza.
Cchiù te sfrine e cchiù t'appizze.
Quatto sorde, 'o fenucchietto.
Comm'a tanta pire nizze,
te ne scinne a sghizze a sghizze,
fin'a quanno nun scapizze.
Chesta è 'a rumba d' 'e scugnizze!
Puparuole e aulive.
Magnáteve 'o cocco, magnáteve 'o cocco.
Rrobba vecchia.
Pallune p' 'allésse, pallune p' 'allésse.
'E mellune chine 'e fuoco.
Na bona marenna, na bona marenna.
Cotogne.
Gelati, gelati, gelati, gelati.
Conciatièlle.
'A pizza cu 'alice, 'a pizza cu 'alice.
Furno 'e campagna.
'E lazze p' 'e scarpe, 'e lazze p' 'e scarpe.
D' 'o ciardino, tutte secche.
'A capa d' 'o purpo, 'a capa d' 'o purpo!
'O Roma.
Chella bella Mamma d' 'o Cármene
v' 'o ppava:
nun mm' 'o ppòzzo faticá.
E' bellella 'a paparella.
Accattateve 'e piatte.
Seje tuvaglie cinche lire.
N'ata pianta p' 'o salotto.
Nocelline americane.
Tengo 'o ggrano p' 'a pastiera.
Pacchianè'²,
chi s' 'o ppenzava?
Tiene chistu campo 'e fave.
Cicchignacco 'int' 'a butteglia³.
'O zi' monaco 'mbriacone!
'O vveleno p' 'e scarrafune!
'A dummeneca addó' t' 'a faje?
Comm'a tanta pire nizze,
te ne scinne a sghizze a sghizze,
fino a quanno nun scapizze.
Chest'è 'a rumba d' 'e scugnizze!
|
Questa è la rumba
degli scugnizzi
che si balla dovunque.
Trovi subito le dame, subito,
che ti fanno due carezze
per farti passare i desideri.
Strette di mano, baci e sollazzi.
Ci provi gusto e ti ci abitui,
più ti sfreni e più ti ecciti.
Come tante pere mature,
ti afflosci a schizzi a schizzi,
fino a quando non cadi.
Questa è la rumba degli scugnizzi.
L'orologio, ora capisco,
perchè lo cerco e non lo trovo.
Stava appeso.
E' andato al fresco:
è rimasto solo il chiodo.
Il chiodo ce l'ho.
Cic - cic - cic - cì.
Belli i gamberi.
Cic - cic - cic - cì.
Scarole ricce per l'insalata.
Cic - cic - cic - cì.
Finocchi.
Cic - cic - cic - cì.
Il passatempo.
Cic - cic - cic - cì.
Ora te li colgo e ora te li vendo.
Cic - cic - cic - cì.
Ohè, l'aglio.
Cic - cic - cic - cì.
Questa è la rumba degli scugnizzi.
Sedetevi, sedetevi
Qui si balla dovunque.
Il quadrillo1 e il santino!
Trovi le dame, subito
La trappola per topi e la grattugia.
che ti fanno due carezze.
Com'è buona la frittella.
Ci provi gusto e ti ci abitui.
Per chi ha la moglie pazza.
Più ti sfreni e più ti ecciti.
Quattro soldi, il finocchietto.
Come tante pere mature
ti afflosci a schizzi a schizzi,
fino a quando non cadi!
Questa è la rumba degli scugnizzi!
Peperoni e olive.
Mangiatevi il cocco, mangiatevi il cocco.
Roba vecchia.
Castagne da lessare, castagne da lessare.
I meloni pieni di fuoco.
Una buona merenda, una buona merenda.
Mele cotogne.
Gelati, gelati, gelati, gelati.
Aggiustatore di padelle.
La pizza con le alici, la pizza con le alici.
Forno di campagna.
I lacci per le scarpe, i lacci per le scarpe.
Del giardino, tutte secche.
La testa del polpo, la testa del polpo.
Il Roma.
Quella bella Madonna del Carmine
ve lo paga:
Non me lo posso lavorare.
E' graziosa la paperetta.
Compratevi i piatti.
Sei tovaglie cinque lire.
Un'altra pianta per il salotto.
Noccioline americane.
Ho il grano per la pastiera.
Pacchianella2, chi l'avrebbe pensato?
Hai questo campo di fave.
Cicchignacco nella bottiglia3.
Il monaco ubriacone.
Il veleno per gli scarafaggi.
La domenica che luogo frequenti?
Come tante pere mature
ti afflosci a schizzi a schizzi,
fino a quando non cadi.
Questa è la rumba degli scugnizzi!
|