"O' surdato 'Nnammurato"

canta Massimo Ranieri

Staje luntana da stu core, 
a te volo cu 'o penziero: 
niente voglio e niente spero 
ca tenerte sempe a fianco a me! 
Si sicura 'e chist'ammore 
comm'i só sicuro 'e te... 

Oje vita, oje vita mia... 
oje core 'e chistu core... 
si stata 'o primmo ammore... 
e 'o primmo e ll'ùrdemo sarraje pe' me! 

Quanta notte nun te veco, 
nun te sento 'int'a sti bbracce, 
nun te vaso chesta faccia, 
nun t'astregno forte 'mbraccio a me?! 
Ma, scetánnome 'a sti suonne, 
mme faje chiagnere pe' te... 

Oje vita, oje vita mia... 
oje core 'e chistu core... 
si stata 'o primmo ammore... 
e 'o primmo e ll'ùrdemo sarraje pe' me! 

Scrive sempe e sta' cuntenta: 
io nun penzo che a te sola... 
Nu penziero mme cunzola, 
ca tu pienze sulamente a me... 
'A cchiù bella 'e tutt''e bbelle, 
nun è maje cchiù bella 'e te! 

Oje vita, oje vita mia... 
oje core 'e chistu core... 
si stata 'o primmo ammore... 
e 'o primmo e ll'ùrdemo sarraje pe' me!

'O surdato 'nnammurato è una delle più famose canzoni in lingua napoletana.

Il testo fu scritto da Aniello Califano e musicato da Enrico Cannio nel 1915. La canzone descrive la tristezza di un soldato che combatte al fronte durante la Prima Guerra mondiale e che soffre per la lontananza dalla donna di cui è innamorato.

Il marchio di fabbrica della canzone Napoletana nel mondo, dopo ovviamente ‘O sole mio, è una delle più belle canzoni d’amore che siano mai state scritte.